رسالة الى أمي .. بقلم المتألقة همس القوافي والقصيد

(رساله الى امي )

يمه انا مالي عذر في خطايا...
ايضا ولالي بقل وصلك   معاذير ..

يمه انا كلي لعينك فدايا...
والروح ترخص لك ولا هي مخاسير..

رجيت عفوك وان تهيا هنايا...
تطيب نفسي لو يجيها تباشير..

يمه طلبتك حققي لي رجايا...
ان كان لي زلة بوصلك و تقصير..

كم مرة شلتي عناك وعنايا...
ودموع عينك فوق خدك محادير..

وكم مرة(ن) اخطي ومنك الهدايا...
واتصفحين وكن ما افعل هو الخير..

واكبر همومك هي همومي وآسايا...
واعظم آمالك كل اموري تياسير..

وانا اسج وكل فكرك معايا...
وان طال بعدي اشغلتك التفاكير..

ذنبي عظيم ودعوتك هي داويا...
اخاف من ربي وسوء التدابير..

يالغاليه رضاك غاية منايا...
وارجي عسى المولى يعزك على الغير...

#الهمس